Ekologiýa boýunça ders bäsleşigi geçirildi

Hormatly Prezidentimiziň parasatly ýolbaşçylygynda ýurdumyzda daşky gurşawy goramak, ekologiýa medeniýetini ýokarlandyrmak we “ýaşyl” ykdysadyýeti ösdürmek döwlet syýasatynyň ileri tutulýan ugurlarynyň biridir. Şu maksat bilen, Türkmen oba hojalyk institutynyň talyplarynyň arasynda Ekologiýa dersi boýunça ders bäsleşigi geçirildi.

Bu bäsleşik diňe bir talyplaryň bilim derejesini barlamak däl, eýsem ýaşlaryň daşky gurşawa bolan jogapkärçiligini artdyrmak, hünär ugurlaryna degişli ekologiýa meselelerini çözmekde döredijilikli çemeleşmeleri ýüze çykarmak hem-de Türkmenistanyň ekologiýa kanunçylygy baradaky bilimleri çuňlaşdyrmak maksady bilen guraldy.

Bäsleşigiň dowamynda talyplar häzirki zaman ekologiýa meselelerine bolan täzeçe garaýyşlaryny görkezdiler. Bäsleşigiň netijesinde ýokary netije görkezen talyplar Hormat hatlary bilen sylaglanyldy.

Haýitžan KAZAKOWA
Bagbançylyk we gök ekerançylyk kafedrasynyň mugallymy